ക്രിസ്തുവിന്റെ ഈ സൗന്ദര്യം ക്രിസ്ത്യാനിക്കും ഉണ്ടാകേണ്ടതാണ്. അല്ലെങ്കില്‍ ക്രിസ്ത്യാനി ഈ സൗന്ദര്യം അവകാശമാക്കേണ്ടതാണ്. എന്തായിരുന്നു ക്രിസ്തുവിന്റെ സൗന്ദര്യം.? ഈ സൗന്ദര്യം ക്രൈസ്തവന് എങ്ങനെയാണ് സ്വന്തമാക്കാവുന്നത്?
ക്ഷമ
ക്രിസ്തുവിന്റെ സൗന്ദര്യത്തിന്റെ പ്രഥമവും പ്രധാനവുമായ രഹസ്യം അവന്റെ ക്ഷമ തന്നെയായിരുന്നു. മറ്റുള്ളവര്‍ തന്നോട് ചെയ്ത പരുഷതകളെയെല്ലാം മുക്കിക്കളയാന്‍ മാത്രം ക്ഷമയുടെ ഒരു സാഗരം അവന്റെ ഹൃദയത്തിലുണ്ടായിരുന്നു. ഒരു തിരയ്ക്കും തീരത്തേക്ക് അടുപ്പിക്കാന്‍ കഴിയാത്തവിധം അത്രമേല്‍ ആഴത്തിലേക്കാണ് അവന് മറ്റുള്ളവര്‍ ഏല്പിച്ച മുറിവുകളെയെല്ലാം കടത്തിക്കൊണ്ടുപോയത്. അസാമാന്യമായ ക്ഷമയുടെ മഹാകാവ്യം അവന് രചിച്ചത് കുരിശില്‍ കിടന്നുകൊണ്ടായിരുന്നുവെന്നത് ചരിത്രം. ഇവര്‍ ചെയ്യുന്നത് എന്തെന്ന് ഇവരറിയുന്നില്ല ഇവരോട് ക്ഷമിക്കണേ.
സ്‌നേഹിച്ചതിന്റെയും വിശ്വസിച്ചതിന്റെയും ആത്മാര്‍ത്ഥത കാണിച്ചതിന്റെയുമെല്ലാം പേരില്‍ തിക്താനുഭവങ്ങളും തിരിച്ചടികളും ഉണ്ടാകുമ്പോഴും ക്ഷമയോടെ അവയെ സ്വീകരിക്കാന്‍ കഴിയുക എന്നതാണ് ഒരുവനെ ക്രിസ്ത്യാനിയാക്കുന്നത്. കുരിശില്‍ നിന്ന് അവന് പഠിച്ച ക്ഷമയുടെ ഈ രഹസ്യമാണ് ഒരു ക്രിസ്ത്യാനിയുടെ സൗന്ദര്യത്തിന്റെ രഹസ്യവും
സ്‌നേഹം
അനുകമ്പ
മറ്റുള്ളവര്‍ ആക്രമിച്ച് അവശനാക്കിയ ആളെ കാണുന്നില്ലേ നിങ്ങള്‍? എത്രയോ പേര്‍ അതിന് ശേഷം ആ വഴിയിലൂടെ കടന്നുപോയി.. അവര്‍ക്കാര്‍ക്കും പ്രത്യേകിച്ച് ഒന്നും തോന്നിയില്ല. നീതികരിക്കാനായി അവര്‍ക്കെല്ലാം ഓരോ കാരണങ്ങളുമുണ്ടായിരുന്നു. പക്ഷേ അയാള്‍ അതില്‍ നിന്ന് വ്യത്യസ്തനായി. ആര്‍ക്കും തോന്നാത്തത് ആ സമറായക്കാരന് മാത്രം തോന്നിയതിന്റെ പേരാണ് അനുകമ്പ.. ആര്‍ദ്രത. വീണുകിടക്കുന്നവനോടുള്ള അനുകമ്പ.
പല വിധ സാഹചര്യങ്ങളില്‍ പലവിധ കാരണങ്ങളാല്‍ വീണുകിടക്കുന്ന പലരുമുണ്ടാകാം നമുക്ക് ചുറ്റിനും. ഏതെങ്കിലും ഒരു ബലഹീനതയുടെ പേരില്‍,ലൈംഗികവ്യതിയാനത്തിന്റെ പേരില്‍, കുടുംബമഹിമയുടെയും സമ്പത്തിന്റെയും പേരില്‍..അങ്ങനെ പലവിധ കാരണങ്ങളാല്‍ മാറ്റിനിര്‍ത്തപ്പെട്ടവരും പരിത്യക്തരുമായവരോട്, മുടന്തനായ ആട്ടിന്‍കുട്ടിയെ തോളിലേറ്റി നടന്നുനീങ്ങുന്ന ക്രിസ്തുവിനെ പോലെയാകുവാന്‍ നിനക്ക് കഴിയുന്നുണ്ടെങ്കില്‍ നീ ക്രിസ്ത്യാനിയാണ്. മറ്റെല്ലാവരും ചെയ്യുന്നതാണ് നീയും ചെയ്യുന്നുവെങ്കില്‍ അതിന് വലിയ പ്രത്യേകത ഒന്നുമില്ല. മറ്റാരും ചെയ്യാത്തതും നിനക്ക് മാത്രം ചെയ്യാന്‍കഴിയുന്നതും ക്രിസ്തുവിനെ നോക്കി ചെയ്യാന്‍ കഴിയുമ്പോഴാണ് അവന്റെ സൗന്ദര്യം നിനക്ക് ലഭിക്കുന്നത്. ക്രിസ്തുവിന് അവരോട് അനുകമ്പ തോന്നി എന്ന് ബൈബിളില്‍ ഒരു ഭാഗത്ത് പറയുന്നുണ്ടല്ലോ.. മറ്റുള്ളവരോട് തോന്നുന്ന അനുകമ്പ നമ്മുടെ സൗന്ദര്യത്തിന്റെ പ്രധാനഘടകമാണ്.
പങ്കുവയ്ക്കല്‍
കയ്യിലെന്താണുള്ളത്? വെറും അഞ്ചപ്പം രണ്ടു മീന്‍. മതി.. അധികം ഉളളവനോട് ദൈവം പലപ്പോഴും ചോദിക്കാറില്ലെന്ന് തോന്നുന്നു. പക്ഷേ ഇത്തിരി മാത്രം കൈയിലുള്ളവനോട് ദൈവം വെറുതെ കൈനീട്ടി ചോദിക്കും നിന്റെ കൈയില്‍ എന്തുണ്ട്? ഓ അതെന്താകാന്‍, എന്റെ കൈയില്‍ ഒന്നുമില്ല എന്ന് പറഞ്ഞ് നാം പെട്ടെന്ന് ഒഴിവായിപോകും. അല്ല അതല്ല ക്രിസ്തു നമ്മില്‍ന ിന്ന് ആഗ്രഹിക്കുന്നത്. രണ്ടുടുപ്പുള്ളവന്‍ ഒന്ന് ഇല്ലാത്തവന് കൊടുക്കുക എന്നാണ് ക്രിസ്തുവിന്റെ കല്പന.അപ്പോള്‍ നാലുടുപ്പുള്ളവനോ എട്ടുടുപ്പുള്ളവനോ.. പരോക്ഷമായി ധനവാന്മാര്‍ അതനുസരിച്ച് പങ്കുവയ്ക്കണമെന്നാണ് ക്രിസ്തു പറയുന്നത്.
കരിസ്മാറ്റിക് പ്രസ്ഥാനം ശക്തിപ്രാപിച്ചതോടെ നമ്മുടെ പങ്കുവയ്ക്കലെല്ലാം ദശാംശത്തിന്റെ പേരില്‍ ഒതുങ്ങിപ്പോയിട്ടുണ്ടോയെന്ന് സംശയം. ഒന്നും കൊടുക്കാത്തവര്‍ക്കിടയില്‍ ദശാംശമെങ്കിലും കൊടുക്കുന്നവരെ അതിന്റെ എല്ലാ ആദരവോടും കൂടി പ്രണമിച്ചുകൊണ്ടാണ് ഇത് പറയുന്നത്. പങ്കുവയ്ക്കാന്‍ മനസ്സിലാത്തവരൊന്നും ക്രൈസ്തവരല്ല. അതെന്തുമാകാം. പണത്തിന്റെ കാര്യം മാത്രമല്ല ഭാര്യയും ഭര്‍ത്താവും ഒരുമിച്ച് പള്ളിയിലേക്ക് വിലകൂടിയ വാഹനത്തില്‍ പോകുമ്പോള്‍ ബസ് കാത്തോ അല്ലെങ്കില്‍ നടന്നോ പോകുന്ന ഒരാളെ കൂടി അതില്‍ കയറ്റിക്കൊണ്ടുപോകുന്നതുപോലെ എത്രയോ നിസ്സാരതകളില്‍ പോലും പങ്കുവയ്ക്കാന്‍ നമുക്ക് കഴിയുന്നുണ്ട്. ആഹാരം മുതല്‍ അറിവുവരെ ഇപ്രകാരം പങ്കുവയ്ക്കപ്പെടേണ്ടവയാണ്. ഈ പങ്കുവയ്ക്കലാണ് സ്വന്തമായി ഒന്നും രേഖപ്പെടുത്തിവയ്ക്കാത്തതായിരു
മേലപ്പറഞ്ഞ സൗന്ദര്യഘടകങ്ങള്‍ ഏറിയോ കുറഞ്ഞോ ഓരോ ക്രൈസ്തവനുമുണ്ട്. അതുകൊണ്ടാണ് അവന് വര്‍ഗ്ഗീയവാദിയാകാത്തത്.. അതുകൊണ്ടാണ് അവന് നിന്ദനങ്ങളിലും സമചിത്തത കൈവെടിയാത്തത്.. അതുകൊണ്ടാണ് അവന് പ്രതികാരചിന്തയുടെ തീയെരിക്കാത്തത്..